Estes 28 contos curtos de Pinto Chinto, presentados con gran esmero na editorial Kalandraka, son relatos imaxinativos, de fácil lectura e de temática variada. As ilustracións teñen gran colorido.

Un pirata, un pozo, unha princesa, o home do saco, unha bruxa, un músico, o vento, un volcán... son algúns dos protagonistas destas historias que rematan moitas veces cun final sorprendente ou cun toque de humor.

Un bo libro para regalar ós máis pequenos e ós pais que poderán lerlles con agrado algunha destas pequenas historias antes de durmir.