Este libro de A. Fernández Paz publicado en Xerais, con ilustracións de Jorge Magutis provoca sensacións de tenrura, nostalxia... pola visión optimista e á vez misteriosa da vida que xorde das súas palabras e ilustracións. Recordoume momentos de plenitude e desexos de vivir e fíxome pensar no poder que temos de transformar o que nos rodea segundo o noso estado de ánimo.

" (...) abrazouno, nunha aperta longa e intensa que rematou nunha explosión de luz e fixo esvaecer a néboa mesta que nos rodeaba" (p. 31)".

"Agarda, só tes que agardar. Algo me di que, algún día, tamén ti irás con ela deica a illa máxica de S. Brandán. A dama da luz buscarate para que lle sirvas de guía. E entón, aínda que ningún cho dixera nunca, saberás o que tés que facer, igual que o souben eu e antes o soubo meu pai" (pp. 35-36).