Cunha forte protagonista feminina, Lía, percorremos un camiño de búsquedas, dificultades e sendas diversas (que se entrecruzan con moitas outras vidas) nas que a protagonista é o fío condutor que nos leva a outros personaxes.

Aínda que ó comezo da novela está en 3ª persoa (ó introducir a importante figura de Ricardo, que reaparecerá ó final da novela) é Lía a que narra e tamén  lles dá voz ós seus fillos.

Aínda que hai traumas, problemas que marcan ós personaxes creo que o fondo é a loita por non renderse, por continuar sempre con forza.

Lía nai, Lía avoa, Lía que coida e acariña e que se impón sempre como muller forte que recuperará o seu espacio..

Tamén se perfilan psicoloxicamente os diferentes caracteres das fillas, por exemplo: a aventureira,  a atrapada nunha relación tóxica, a vulnerable con apariencia de forte...Ou de Antón e a súa evolución ata o namoramento doutro home.

Cun interesante limiar de Ángel Carracedo. En Galaxia. 

Nesta novela de Xesús Fraga o autor relata (en primeira persoa) a historia de emigración da súa familia, centrada na figura da loitadora avoa que debe emigrar a Londres moi nova (partindo de Betanzos), despois de que o seu marido tamén marchara a Venezuela e non volvera dar sinais de vida. No texto, ademais desa historia da loitadora/traballadora muller, faise un percorrido polos familiares de dúas xeracións que viviron esta experiencia en diferentes anos (o propio autor, neto daquela emigrante, e os seus pais, que tamén traballaron  no Reino Unido). 

De fondo sempre está a morriña polo que queda atrás, as dificultades cun novo entorno que descubrir e ó que adaptarse así como as vivencias dos que se foron e os que quedan: un ir e vir de sentementos e, neste caso tamén, de segredos de familia que sorprenden ó lector e ós propios protagonistas.

Na Editorial Galaxia. Premio Blanco Amor 2019. Premio Nacional de Narrativa 2021.

Para fixarse no que moitas veces nos pasa desapercibido. Editada en Galaxia. Na colección Lanterna de Aristóteles

Son personaxes femininos de diversa idade ou estrato social, solitarias, loitadoras, frustradas, cheas de ideas e de vida que van deixando as súas aparentemente inconexas mensaxes nun frío contestador que exerce a función dun confesor no que se depositan variadas confidencias e retallos de vidas.

Dun modo moi orixinal interrelaciónanse as historias de catro mulleres: Marina, Carmela, Sara e Viviana. En breves capítulos as diversas mensaxes van enchendo as pezas sobre problemáticas diarias e comúns dunhas vidas solitarias que van cambiando o seu comportamento e ideas pola interacción cos outros.

En Galaxia.

Un libro que fala de libros e o mundo que os rodea. Un modo de xogar coas posibilidades da linguaxe, as emocións que proporcionan as palabras e tamén as súas repercusións no recordo e nos ánimos dun lector.

Recomendable para os que gustan do variado universo da lectura e as palabras. 

Breve texto que en pouco máis de 100 páxinas fai un percorrido pola propia búsqueda de identidade persoal dunha muller, a través dos recordos e da escritura.

A forte crise creativa dunha escritora lévaa a plantexarse como foi a relación coa súa familia (especialmente o tío Carlos e a avoa Úrsula), coa enfermidade mental que sofre ou enfrentarse á maternidade.... nun carrusel de sentimentos, emocións e sensacións que van pasando sen interrupción, como si de un carrusel se tratase.