Os nenos soñan a cotío con coñecer unicornios pero neste tenro álbum a protagonista (Estela) é unha simpática unicornia que soña con coñecer nenas e se rodea de imaxes de humanos que lle gustaría non fosen só un soño senón unha realidade.

En Xerais.

Un asasino en serie (que mostra unha violencia extrema e sanguinaria) comeza a actuar contra vítimas que, aparentemente, non teñen ningunha relación. As persoas que morren teñen sufrido moitas torturas antes, arríncanlles membros, fan que sexan comidas por  animais... Nunha dura descrición da dor, o narrador vai conducíndonos polo proceder do policía que investiga o caso e as causas que levaro a perpetrar tamaños sufrimentos.

E de fondo da temática está presente un trastorno de comportamento (TOC) que, penso, se intenta visibilizar por medio destas páxinas.

Unha xoven traballadora nun banco, Amanda, recibe a noticia de que unha muller maior, millonaria, lle deixa toda a súa herencia sen practicamente coñecela. Despois da inicial sorpresa comeza o seu camiño de pescudas para indagar na vida da muller (Gondar). Nesa aventura está acompañada dun compañeiro co que mantén unha relación. Viaxan ata Arxentina onde se atopan con grandes segredos e misterios sobre a vida da descoñecida muller e tamén se enteran de episodios duros da súa vida e detalles da profesión á que se adicou.

Un terrible misterio, unha culpa e un final sorprendente.

A experiencia de ser nai é narrada, 5 anos despois do nacemento do primeiro fillo, desde un recordo nítido daquel momento ata a determinación dunha interrupción voluntaria do embarazo para un segundo fillo.

As luces e sombras sobre o sentimento materno, as dúbidas, inquedanzas e autoimposicións (motivadas quizais indirectamente polo que se sobreentende na sociedade) xera emocións encontradas e tamén momentos de infelicidade a pesar do que sempre se intentou asociar traer un fillo ó mundo coa "neesidade de ser boa nai". A depresión post parto abórdase aquí sen rodeos.

Os días anteriores ó aborto van da man á narración sobre a voda dunha amiga. Tamén a morte da avoa, nos días anteriores ó Nadal, é abordada dun modo tenro.

 É un breve libro (131 páxinas) moi intimista, directo, unha reflexión sobre a maternidade.

Está editado en castelá en Destino.

Clara é unha adestradora canina que marcha do seu Lugo natal ata Munic despois de namorarse dun poeta polo que progresivamente (case sen darse conta) abandoa amizades, traballo, independencia e gañas de vivir. 

Nun momento de total desorientación vital de Clara, e de soidade, o encontro casual cun home que pasea ó seu can fará que a súa vida cambie grazas á súa amizade e á oportunidade de traballo que lle ofrece. 

Paralelamente á recuperación do interese polos cans, que comezará a coidar, fai que recupere as gañas de aprender, as amizades, as experiencias esquecidas, afectos... e emprenda unha vida máis libre e satisfactoria.

"A domesticación do lobo", "O espertar do lobo" e "Ceibar o lobo" son as partes (metafóricas) nas que se divide o libro. Cada unha abarca: Inverno, Primavera, Verán e Outono. Na última parte engádese Inverno.

En Xerais.

Edita Xerais.

A historia tamén foi levada ó cine por I. Coixet.

En Xerais edítase este libro con ilustracións de Mar Villar , no que a protagonista é unha moza, Carapuchiña vermella á que lle encomendan falar cun xenio. Pronto chegará a ser unha líder que debe contar cos demais para decidir e procurar un lugar mellor para vivir. Aparecen varios personaxes doutros contos clásicos.

En Xerais edítase este breve cómic de Alberto Varela ambientado en Galicia, cando despois da Guerra civil o wolframio que hai na nosa terra desperta a atención dos nazis, que se farán con este material para o Terceiro Reich, no contexto da industria do armamento na Segunda Guerra mundial.

Dous aventureros personaxes móvense pola xeografía galega: Molly Morrison (norteamericana) e W.C Morgan (británico) serán os encargados de espiar e dificultar os movementos dos nazis.

Entretido.